( أُ مي ))
أمي يعني الحب
والخير والدفا
أمي صورتها دايماً
في قلبي مشرفة ***
أمي حبها بيسري
ف وريدي
لما بترمي في حضنها
بيبقى فرحي وعيدي ***
أمي بحس بالأمان
في نظرة عينيها
ولو في يوم خاني الزمان
بجري عليها ***
أمي إللي ياما حبها
جسد معاني
ومن غير ماأبوح بحبها
بقلبها سمعاني ***
أمي هي المعنى
للحب الحقيقي
ودعاها ليا من قلبها
بينور طريقي ***
أمي هي الحياة
وكل المدارس
ونعمة حافظها الإله
وليها حارس ***
أمي مهما أقول
وهعيد عليها
مش هلاقي أي كلام
ممكن يوفيها ***
أمي هي كل حاجة
ليا أنا
أمي هي الخير
والحنان والضنى ***
ولو هلف الدنيا
مش هلاقى
حنان يضاهي حنان
أمي أنااااااا ***
أمي
( متعها الله بالصحة والعافية )
بقلمي/ الشاعر وحيد محروس خليل